اشعار من ابداعات الاخواننا واخواتنا في الله حول حملة حمايه...متجدد

بسم الله الرحمن الرحيم

السلام عليكم ورحمة الله تعالي وبركاته

احبائي في الله أدعو الله ان تكونوا جميعا بخير حال وان يوفقنا واياكم لما يحب ويرضي
أن شاء الله رب العالمين سأقوم بوضع بعض الاشعار التي قام بكتابتها اخوة لنا حول حملة حماية..

اللهم اغفر لنا وارحمنا واجعلنا يارب من من قلت فيهم ابشروا بروح وريحان ورب راض غير غضبان واجعلنا يارب من اهل التقوي واهل المغفرة.

خطوه بخطوه

خطوه بخطوه على الطريق
وفــ ليل طويل نلقى الصديق
وإيد فى إيد ننقذ غريق
ونعيش على حلم الشباب
.....
خطوه بخطوه فى الحياه
تصلح عقول جيلنا اللى تاه
وتنادى حى على الصلاه
بإيمان ينجى من العذاب
.....
خطوه بترسم حلم جيل
وطريق أمل من بعد ليل
وشباب مايعرف مستحيل
للجنه يبنى من الخراب
.....
خطوه بقلب وفيه حنين
بتنادى كل المدمنين
(بحمايه ) هنحرر سجين
ونحمى عقله من الغياب
.....
خطوه يامصر بقلبنا
(وحمايه) لينا كلنا
(بحمايه) يرجع مجدنا
والحلم يعلى فى السحاب
.....
خطوه بخطوه للأمام
تنقذ مدخن من حُطام
يوصل على بر السلام
ويعيش بآيات الكتاب
.....
خطوه بخطوه وابتدت
لو ألف إيد اتوحدت
وقلوب بعزم اتجمعت
يلا (حمايه) ياشباب
.....
هنقول (حمايه) بألف صوت
هنقول كفايه شباب يموت
جايين بجنه فى البيوت
وشمس من بعد الغياب
.....

كلمات
معاذ فتحى شحاته
فارس الأزهر """المنصوره"""

بتقولوا عليا مدمن.............؟
ايـــــــــــــــوه كنت مدمن........
بس خلاص خفـــــــــــــــــــيت....
وبقيت واحد من البـــــــــــيت.......
وعرفت اشيل همومى...........
وعرفت أرجع لحياتى.......
واتحدى كل الماضى........
واقول انا انسان عادى........
خانتنى دماغى لحظه.......
واصحابى كمان غاووونى.....
بس بعد الحمله........
لقيت فى ناس بيجونى.....
وفعلا بيحبــــــــــــــــونى.....
ويقولو اجمد يلا......
عاوزينك تبقى بطلنا........
عاوزين نعمل نهضتنا......
ونفوق بقى من اوضاعنا....
ولقتنى بقيت بنى ادم تانى....
واتحديت العالم تانى.......
وقولت انا هعمل حاجه.....
ويلا معايا ياخويا واختى....
ولو مدمن ارجوك ارجعلى....
تعالى احنا معاك هنساعدك.....
تعالى احنا قلوب بتحبك......
ولو انت واحد عادى....
تعالى برضه معانا......
الحمله دى محتاجانا.....
نكون كلنا ايد واحده......
ونفضى على السلبيه.....
ونصلح شأن الامه........
ونعيد تاريخنا بإيدنا.......
ويلا ياعربى قوم.........
وكفايه خمول ونوم.......
الفرصه بتناديلك.....
بتقولك اعمل حاجه........
واقف جمب اخواتك.........
اقف قبل مماتك........
واسمع كلام ضميرك..........
هو اللى هيفيدك.............
ويامدمن يلا بسرعه.......
الحق نفسك من الموت.........
بلدنا دى محتاجالك........
محتاجه للى زيك.........
مخك اكيد هيفيدنا.........
وانت امل نهضتنا.........
اقوى يلا واتحدى.......
واكسر الضعف فى قلبك.......
واغلب شيطانك قوم...........
والحق اللى فاتك.........
واسترجع اللى ضاع.......
ويلا حان الوقت........
انك تكون شجاع.........
asmaaaae

لا للادمان
بنعلي صوتنا في كل مكان
و نقول يا شاب لا للأدمان
هنقول حماية في كل مكان
و تكون إيجابي تموت فرحان

عايزين بقي نرجع لزمان
أيام ما كان الجو أمان
ولا إغتصاب ولا سرقة و دون
باقي الشعوب ترجع مسجون

عايزين نفكر في سؤالنا
يوم القيامة علي حالنا
و نقول يارب عملت حاجات
و وقفت راجل و الستات

وقفم كمان كده جنبيهم
قضوا عالحكاية زييهم
لازم نشارك يا جماعة
جرب تكون لله ساعة

الكاتب مجهول

بكاء القلوب كتب:: بسم الله الرحمن الرحيم

السلام عليكم ورحمة الله تعالي وبركاته

احبائي في الله أدعو الله ان تكونوا جميعا بخير حال وان يوفقنا واياكم لما يحب ويرضي
أن شاء الله رب العالمين سأقوم بوضع بعض الاشعار التي قام بكتابتها اخوة لنا حول حملة حماية..

اللهم اغفر لنا وارحمنا واجعلنا يارب من من قلت فيهم ابشروا بروح وريحان ورب راض غير غضبان واجعلنا يارب من اهل التقوي واهل المغفرة.

جزاكي الله خيراً اختنا كريمة علي النقل الطيب للاشعار و جزا اخوتي الكاتبين لها خير الجزاء